🔹Deputat Muqimjon Dehqonov prezidentimiz Murojaatnomasidagi quyidagi jihatlarga davra suhbati qatnashchilarining diqqat-e’tiborini qaratdi:
“Bu yil sog‘liqni saqlash xodimlari bilan ikki marta uchrashib, ko‘rib chiqilgan barcha masalalar bo‘yicha alohida farmon va qarorlar qabul qildik. Tibbiyot tizimida ham kasbiy ta’limni rivojlantirish uchun Angliyaning “Pearson” kompaniyasi bilan har bir hududdagi bittadan texnikumda xalqaro
standart asosida hamshiralar tayyorlash boshlandi. Endi ana shu texnikumlarga Germaniya, Shveysariya, AQSh, Yaponiya kabi davlatlarning ta’lim dasturlari ham joriy etiladi. Shu asosda xalqaro talablarga javob beradigan, xorijiy tillarni biladigan hamshiralar tarkibini shakllantiramiz. 

Keng ko‘lamli islohotlarimizni sog‘liqni saqlash tizimini raqamlashtirish bo‘yicha ham jadal davom ettiramiz. Tibbiyot muassasalarini yagona
yondashuv asosida tashkil etish uchun “master reja” ishlab chiqiladi. 

Bundan tashqari, infarkt, insult, onkologik, nefrologik kabi yuqumli bo‘lmagan kasalliklarni davolash hamda transplantatsiya, vaksinatsiya,
ona-bola salomatligini muhofaza qilish yo‘nalishlariga o‘tgan yillardan 1,5 barobar ko‘p–3,5 trillion so‘m ajratamiz”. 

                                                                                                                                                                            Xalq deputatlari Uchko‘prik tumani Kengashi kotibiyati