Joriy yilning 8-yanvar kuni O‘zbekiston Respublikasi Prezidenti Shavkat Mirziyoyev tomonidan xalqimizga yo‘llangan Murojaatnomaning mazmun-mohiyatini keng targ‘ib etish maqsadida Chinoz tumanidagi 21-umumta’lim maktabida mazmunli seminar tashkil etildi.

Mazkur tadbir Xalq deputatlari Chinoz tumani Kengashi deputati Ra’no Fozilova tomonidan olib borildi. Seminar davomida Prezidentimiz Murojaatnomasida belgilab berilgan ustuvor yo‘nalishlar, mamlakatimizni rivojlantirishning yangi bosqichiga qaratilgan keng ko‘lamli islohotlar, shuningdek, ta’lim sohasida amalga oshirilishi lozim bo‘lgan muhim vazifalar haqida batafsil ma’lumotlar berildi.

Tadbir ishtirokchilari Murojaatnomada ilgari surilgan g‘oya va tashabbuslarning ahamiyati, ularning amaliy ijrosi hamda jamiyat taraqqiyotidagi o‘rni xususida fikr almashdilar.