Xalıqqa sanitariya-epidemiologiyalıq xızmet kórsetiw sheńberinde alıp barılǵan jumısları
ÓzLiDeP deputatlıq toparı tárepinen, Bozataw rayonı Sanitariya-epidemiologiyalıq tınıshlıq hám jámiyetlik salamatlıq xızmetler orayınıń esabatı tıńlandı. 

"ÓzLiDeP deputatlıq toparları minberi" joybarı sheńberinde tásirsheń deputatlıq hám jámiyetlik qadaǵalawdı ornatıw maqsetinde hár bir rayon hám qala kesiminde partiya deputatlıq toparlarınıń qadaǵalaw tıńlawları shólkemlestirilmekte. 

Joybar sheńberinde Bozataw rayonı Sanitariya-epidemiologiyalıq tınıshlıq hám jámiyetlik salamatlıq xızmeti tárepinen xalıqtıń
salamatlıǵın qorǵaw baǵdarında rayonda ámelge asırılıp atırǵan jumıslar boyınsha ÓzLiDeP deputatlıq toparınıń tıńlawı shólkemlestirildi. 

Kún tártibindegi másele boyınsha Sanitariyalıq-epidemiologiyalıq tınıshlıq hám jámiyetlik salamatlıq bólimi baslıǵı Q.Doshımovtıń esabatı tıńlandı. Bozataw rayonı Sanitariyalıq-epidemiologiyalıq hám jámiyetlik salamatlıq bólimi óz jumısı dawamında obektlerdi jaylastırıwda, olardı qurıwda hám ekspluataciyalawda xalıqtıń salamatlıǵına zıyanlı tásir etiwshi faktorlardıń aldın alıwǵa qaratılǵan eskertiwshi sanitariyalıq qadaǵalaw dawamında qorshaǵan ortalıqtı monitoring etiw, mádeniy-turmıslıq xızmet kórsetiw obektlerinde, balalar hám jas óspirimler mákemelerinde, ulıwma awqatlanıw hám sawda obektlerinde sanitariyalıq qadaǵalawdı ótkeriw arqalı sanitariyalıq jaǵdaydı jaqsılaw, xalıqtı taza ishimlik suwı menen
támiyinleniwin qadaǵalaw, xalıqtıń sanitariyalıq mádeniyatın arttırıw, profilaktika jolı menen hár qıylı juqpalı keselliklerdi júgiwiniń aldın alıw maqsetinde uǵit nasıyatlaw jumısları alıp barılmaqta. 

Esabat dawamında Sanitariyalıq-epidemiologiyalıq hám jámiyetlik salamatlıq xızmeti tárepinen xalıqtıń salamatlıǵın qorǵaw baǵdarında rayonda ámelge asırılıp atırǵan jumıslar haqqındaǵı máseleler dodalandı. 

Kún tártibindegi barlıq máseleler boyınsha tiyisli qararlar qabıl etildi.