Tashrif davomida deputat o‘quvchilarning jismoniy tarbiya mashg‘ulotlarida ishtirok etdi, sport maydonchalari, sog‘lomlashtirish to‘garaklari, ovqatlanish sharoitlari va bolalar salomatligini saqlash yo‘nalishidagi tadbirlarni ko‘zdan kechirdi. Shuningdek, ota-onalar va pedagoglar bilan suhbatlashib, ularning taklif va mulohazalarini tingladi. Deputat ta’kidladi: “Yosh avlodning sog‘lom ulg‘ayishi – jamiyatimiz kelajagi uchun muhim kafolatdir. Shu sababli bolalarning jismoniy faolligini oshirish, to‘g‘ri ovqatlanish va sog‘lom hayot tarzini targ‘ib qilish – ustuvor vazifalardan biridir.”

Mazkur tashrif yakunida deputat mas’ul tashkilotlarga amaliy tavsiyalar berdi hamda “Dolzarb 90 kun” doirasida bu yo‘nalishdagi ishlarni yanada kuchaytirish lozimligini ta’kidladi.