📖📚 "Watan ushın, millet ushın, xalıq ushın" súreni astında Moynaq rayonında ótkerilgen Mánáwiyat festivalı sheńberinde shayır hám háwesker jazıwshılar qatnasıwında qızǵın sáwbet keshesi shólkemlestirildi.

Ilajda Xalıq deputatları Moynaq rayonlıq Keńesi deputatı, OzXDP topari agzasi K.Nasirova qatnasip, ǵárezsizligimizdiń otız tórt jıllıq bayramı menen qútlıqlap, ǵárezsiz rawajlanıw jolındaǵı keń kólemli reformalarımızdı izbe-iz dawam ettiriw, barlıq taraw hám tarmaqlardıń rawajlanıwın jańa basqıshqa alıp shıǵıw maqsetinde búgingi kúnde elimizde alip barilip atirgan jumislar boyinsha tusinikler berdi.

Keshede dóretiwshiler kitapqumarlıqtıń insan ruwxıy turmısındaǵı ornı, kitaptıń kewil hám pikirlewdi tárbiyalawdaǵı áhmieti haqqında ózleriniń biybaha pikirleri menen bólisti.

🔹 Kitap - insan aqılın jetilistiretuǵın, ruwxıy dúnyasın bayıtatuǵın, dúnyaǵa kózqarasın keńeytetuǵın biybaha ǵáziyne.

🔹 Hár bir bet - jańa bilim, jańa dúnya, jańa pikirlew esigin ashadı.

🔹 Kitapqumarlıq mádeniyatı bolsa jaslardıń qálbinde milliy qádiriyatlarǵa mehir, Watanǵa muhabbat hám xalqına sadıqlıq sezimlerin bekkemleydi.

✨ Sáwbet keshesi qatnasıwshıları kitapqumarlıqtı turmıs dárejesine kóteriw, jaslardı ruwxıy bárkamal shaxs etip tárbiyalawda kitaptıń ornın ayrıqsha atap ótti.