Iordaniya va O‘zbekiston: madaniyatlar uchrashuvi Samarqandda

Joriy yilning avgust oyida Iordaniya Hoshimiylar Podshohligi Podshohi Abdulla II ibn al-Husaynning O‘zbekistonga rasmiy tashrifi ikki davlat o‘rtasidagi munosabatlarning yangi bosqichini boshladi.

Samarqanddagi "Boqiy shahar" majmuasiga O‘zbekiston Respublikasi Prezidenti Shavkat Mirziyoyev bilan birgalikda tashrif buyurgan mehmon ushbu makonning tarixi va me’moriy hashamatiga yuksak baho berdi. Bu tashrif madaniy almashinuv, turizm va xalqlar o‘rtasidagi do‘stona munosabatlarni rivojlantirishda muhim qadam bo‘ldi.

"Boqiy shahar" – bu nafaqat milliy merosimizni namoyon etuvchi majmua, balki zamonaviy O‘zbekistonning ochiqligi va xalqaro hamkorlikka tayyorligini ham ko‘rsatadi.

Deputat sifatida bunday tashriflarni yuqori baholayman. Chunki ular xalqlar o‘rtasida do‘stlikni mustahkamlab, yosh avlodga milliy iftixor va qadriyatlarga sadoqat ruhini singdiradi.

🇺🇿Xalq deputatlari Navoiy shahar Kengashi deputati Kalonov Muxiddin Baxritdinovich