Búgin Taxtakópir rayonı hákimliginiń májilisler zalında Xalıq deputatları Taxtakópir rayonlıq Keńesiniń gezektegi on ekinshi sessiyası bolıp ótti.

Sessiya jumısına siyasiy partiyalar, rayondaǵı mákeme, kárxana, shólkem basshıları hám jergilikli ǵalaba xabar quralları wákilleri qatnastı.

Sessiyanı Taxtakópir rayonı hákimi – Xalıq deputatları rayonlıq Keńesi baslıǵı J.Adilov alıp bardı.

Sessiya kún tártibine muwapıq:

1. Taxtakópir rayonı jergilikli byudjetiniń 2025-jıldıń ӀӀ sheregi dawamında dáramatlar rejesiniń orınlanıwı hám artıqsha orınlanǵan bóleginen sarıplanǵan qarjıları;

2. Taxtakópir rayonın 2025-jılı 5-taypadan shıǵarıw boyınsha ámelge asırılıp atırǵan jumıslar;

3. Taxtakópir rayonı ishki isler bólimi baslıǵı orınbasarınıń 2025-jıldıń 7 ayı dawamında rayon aymaǵında jınayatshılıqqa qarsı gúresiw, jámiyetlik tártipti saqlaw hám puqaralardıń qáwipsizligin támiyinlewde ámelge asırılǵan jumısları;

4. Taxtakópir rayonı Medicina birlespesi tárepinen xalıqqa medicinalıq járdem kórsetiw hám medicinalıq xızmet sapasın jaqsılaw boyınsha 2025-jıldıń 6 ayı dawamında ámelge asırılǵan jumısları;

5. Xalıq deputatları Taxtakópir rayonlıq Keńesiniń 2024-jıl 18-sentyabr kúngi VI-87-167-13-189-K/24-sanlı “Rayondaǵı fermer xojalıqları, klasterler hám basqa da suw tutınıwshılarına 2024-2025-jıllardaǵı shor juwıw dáwirinde ajratılǵan suw limiti hám haqıyqıy alınatuǵın suw múǵdarın tastıyıqlaw tuwralı” sheshimine ózgeris kiritiw;

6. Ózbekstan Respublikası Prezidentiniń 2025-jıl 1-aprel kúngi “Janılǵı energiya resurslarınan nızamsız paydalanıw hám maqsetsiz sarıplanıwınıń aldın alıw hám de energiya nátiyjeliligin arttırıw boyınsha is-ilajlardı jetilistiriw haqqında”ǵı PQ-133-sanlı qararınıń Taxtakópir rayonında orınlanıwı;

7. Ózbekstan Respublikası Prezidentiniń 16-sanlı Pármanında belgilengen wazıypalar sheńberinde puqaralar arasında hám bilimlendiriw mákemelerinde sporttı rawajlandırıw, jámiyette salamat turmıs sharayatların jaratıw boyınsha 2025-jıldıń ótken dáwirinde rayonlıq Mektepke shekemgi hám mektep bilimlendiriw bólimi hám Sport mektebi tárepinen ámelge asırılǵan jumısları haqqında;

8. Taxtakópir rayonı hákiminiń sessiyalar aralıǵında qabıl etken biyliklerin tastıyıqlaw;

9. Xalıq deputatları Taxtakópir rayonlıq Keńesi deputatlarınıń 2025-jıl III sheregi dawamında alıp barǵan jumısları haqqında óz okruglerinde saylawshılarǵa esabat beriw rejesin tastıyıqlaw haqqında;

10. Ózbekstan Respublikasınıń 2024-jıl 5-avgusttaǵı "Ózbasımshalıq penen iyelep alınǵan jer uchastkalarına hámde olarda qurılǵan imaratlar menen obektlerge bolǵan huqıqlardı tán alıw haqqında"ǵı ÓRQ-937-sanlı Nızamnıń orınlanıwınıń Taxtakópir rayonında támiyinlew ilajları haqqındaǵı máseleleri kórip shıǵıldı.

Sessiya kún tártibindegi máseleler boyınsha deputatlar ózleriniń pikir hám usınısların bildirdi. Soń kórilgen máseleler boyınsha Xalıq deputatları Taxtakópir rayonlıq Keńesi tárepinen tiyisli sheshimler qabıl etildi.