Bugun, 21-avgust kuni yettinchi chaqiriq Xalq deputatlari Chinoz tumani Kengashining navbatdagi o‘n oltinchi sessiyasi boʻlib oʻtdi.

Sessiya ishida tuman Kengashiga saylangan deputatlar, tuman hokimining o‘rinbosarlari, xalq deputatlari tuman Kengashi kotibiyati xodimlari shuningdek, tumandagi tegishli bo‘lim va tashkilot rahbarlari hamda ommaviy axborot vositalari vakillari ishtirok etdilar.

Sessiyaga Xalq deputatlari tuman Kengashi deputati Abduvoxid Turdiboev raislik qildi.

Sessiya kotibligiga 4-Afg‘on saylov okrugidan saylangan deputat Lazizjon O‘tkirov saylanadi.

Sessiya ishida kun tartibiga kiritilgan masalalar bo‘yicha doimiy komissiya raisi, tuman hokimining birinchi o‘rinbosari va tegishli mas’ullarning axborot va hisobotlari eshitildi.

Sessiya kun tartibidagi masalalar muhokamasida deputatlar Asqar Baxramov, Farxod Ibragimov, Elyorjon Saidov, Olimjon Isoqov, Surayyo Axmedova, so‘zga chiqib, hisobot va axboroti eshitilgan rahbarlarga o‘zlarining savol, taklif va fikr-mulohazalarini bildirib o‘tdilar.

Sessiya yakunida kun tartibidagi masalalar yuzasidan tegishli qarorlar qabul qilindi. Kengash qarorlarining toʻliq matni internetda (Kengash.gov.uz platformasida) eʼlon qilinadi.