🔹 Tuman hokimligida muhim huquqiy tadbir – “Korrupsiyaga qarshi kurashish va uning oldini olish” mavzusida seminar o‘tkazildi.
Tadbirning asosiy maqsadi – korrupsiyaga qarshi kurashish bo‘yicha amaldagi qonunchilikni tushuntirish, aholining huquqiy ongini oshirish, bu illatga qarshi kurashish borasida jamoatchilik faolligini ta’minlashdan iborat bo‘ldi. 

🔹 Seminarda tuman hokimi, Xalq deputatlari tuman Kengashi raisi, Korrupsiyaga qarshi kurashish komissiyasi raisi B. Maxmatrayemov, tuman prokurori R. Turdiyev, Xalq deputatlari tuman Kengashi deputatlari, ta’lim va sog‘liqni saqlash tizimi masʼullari, tuman korxona va tashkilotlari rahbarlari, hokimlik apparati xodimlari hamda mahalla yettiligi vakillari ishtirok etdilar. 

🔹 Tadbir davomida tuman prokurori R. Turdiyev tomonidan O‘zbekiston Respublikasining “Korrupsiyaga qarshi kurashish to‘g‘risida”gi Qonuni, unda belgilangan asosiy tushunchalar, korrupsiya holatlari va ularning oqibatlari haqida batafsil ma’lumot berildi.
Qonunda nazarda tutilgan javobgarlik turlari, korrupsiyaviy holatlarning oldini olish mexanizmlari, davlat xizmatchilarining axloqiy kodeksi va boshqa dolzarb jihatlar real misollar asosida tushuntirib o‘tildi. 

🔹 Shuningdek, tadbirda ishtirok etgan deputatlar, soha mutaxassislari va jamoatchilik vakillari o‘z fikr-mulohazalari bilan o‘rtoqlashib, korrupsiya jamiyat taraqqiyotining asosiy to‘siqlaridan biri ekanini, u iqtisodiy, ijtimoiy va ma’naviy sohalarga salbiy ta’sir ko‘rsatishini tahliliy misollar bilan asoslab berishdi. 

🔹 So‘zga chiqqanlar, ayniqsa, korrupsiyaga qarshi kurashishda faqatgina davlat organlari emas, balki butun jamiyat – har bir fuqaroning ham faol ishtiroki muhim ekanligini ta’kidlab o‘tishdi. Chunki korrupsiyaga qarshi kurashish – bu faqat qonuniy kurash emas, balki yurtimiz kelajagiga bo‘lgan daxldorlik hissining amaliy ifodasidir. 

🔹 Tadbir yakunida ishtirokchilarga mavzu yuzasidan tarqatma materiallar, eslatmalar hamda normativ-huquqiy hujjatlar to‘plami taqdim etildi. Seminar ishtirokchilar tomonidan yuqori baholandi va bunday tadbirlar muntazam ravishda o‘tkazilishi lozimligi ta’kidlandi. 

Oltinsoy tumani Kengash Kotibiyati Axborot xizmati