Xalq deputatlari Marg‘ilon shahar Kengashi 15 -ZUXRO okrugi deputati Ermatov Abdumalik tomonidan Qirguli mahalla fuqarolar yig‘ini xududidagi ichki ko‘chalarda mavjud bo‘lgan yo‘l muammosi joyiga chiqib o‘rganildi.

Jumladan, Usmon Nosir 2-tor ko‘chasida istiqomat qiluvchi fuqarolar tomonidan asfaltlash masalasida murojaat kelib tushgan. Ushbu ko‘chaning umumiy uzunligi 300 metr bo‘lib, 1991-yildan buyon aholining yashash joyi hisoblanadi. Ayni paytda o‘rganilgan ko‘cha yo‘llarining holatda qoniqarli emasligi, ayniqsa yog‘ingarchilik mavsumidagi qiyinchiliklar mahalliy aholining kun tartibidagi muammosiga aylangan.

Deputat Ermatov Abdumalik xududdagi mavjud vaziyatni joyida o‘rganib, masalani ijobiy hal etish bo‘yicha tegishli tashkilotlarga murojaat yo‘llashi yuzasidan kelishib olindi.