Aholi murojaati asosida elektr tarmoqlari yangilandi:

Xald deputatlari Termiz tuman Kengashi 11-Sabzipoya saylov okrugidan saylangan deputat S.Ikromovga o‘zi saylangan hududdagi aholi yashash manzillarida uzoq yillar davomida foydalanilib kelinayotgan yog‘och elektr ustunlarining yaroqsiz holatga kelgani bo‘yicha fuqarolar tomonidan deputatga murojaat kelib tushgan edi.

Deputat tomonidan ushbu murojaat joyiga chiqqan holda o‘rganilib, mavjud holat dolzarbligi sababli tezkor choralar ko‘rildi. Natijada, deputatning bevosita homiyligida eski yog‘och elektr ustunlari demontaj qilinib, mustahkam va xavfsiz beton ustunlarga almashtirildi.

Yangilangan elektr ustunlari aholi yashash hududi ichida xavfsizlikni ta’minlash, energiya yetkazib berishni barqarorlashtirish va avariyaviy holatlarning oldini olishda muhim ahamiyat kasb etadi.

Aholi deputatning masalaga befarq bo‘lmaganini, murojaatga tezkor javob qaytarilganini e’tirof etib, o‘z minnatdorchiligini bildirdi.

Bu kabi amaliy ishlar – deputatning joylardagi faolligi, aholining hayot sifati uchun mas’uliyat bilan yondashayotganining yaqqol namunasidir.