Муҳтарам Президентимиз Шавкат Мирзиёев 8 август куни олий таълим битирувчилари бандлигини таъминлаш масаласига бағишланган йиғилишда жуда долзарб масалаларни кўтарди.

Охирги йилларда олий таълим қамрови 42 фоизга етгани – қувонарли натижа. Бироқ, таълим тизими билан меҳнат бозори талаблари ўртасидаги тафовут ҳали ҳам сезиларли. Бу эса ёш мутахассислар диплом олгач, ўз йўналиши бўйича иш тополмаслигига сабаб бўлмоқда.

Ҳар бир талабани тайёрлаш учун давлат йилига ўртача 25–30 миллион сўм сарфлайди. Лекин битирувчиларнинг ярмидан кўпи ўз мутахассислигига алоқаси йўқ бўлган ишларда банд бўлмоқда. Шу боис, давлатимиз раҳбари битирувчиларга ва уларни ишга олган корхоналарга имтиёзли кредитлар бериш тизимини жорий этишни таклиф қилди.

Ёшлар бандлигини таъминлаш – нафақат иқтисодий, балки ижтимоий барқарорликнинг ҳам гаровидир. Шу мақсадда таълим сифати, амалиёт ва ишга жойлашиш жараёнлари ўзаро уйғунлашиши шарт.

Санжар Қаҳҳоров,

Халқ депутатлари Жондор тумани Кенгаши депутати