Xalq deputatlari Shovot tumani Kengashi deputatlari hamda tuman partiya Kengashi raislari bilan hamkorlikda O‘zbekiston Respublikasi Prezidentining PF-88-sonli farmoni, shuningdek, “Tibbiyotda 90 kunlik o‘zgarishlar” va “Toza qo‘llar” dasturlarida belgilangan vazifalar ijrosini ta’minlash maqsadida Shovot tumani sog‘liqni saqlash bo‘limida o‘rganish ishlari olib borildi.

O‘rganish jarayonida tibbiyot muassasalarida ko‘rsatilayotgan xizmatlar sifati, sanitariya holati, xodimlar malakasi va fuqarolar murojaatlari bo‘yicha tahlillar amalga oshirildi.

Dastur doirasidagi ustuvor yo‘nalishlar va dolzarb masalalar muhokama qilinib, mavjud kamchiliklarni bartaraf etish yuzasidan tegishli tavsiyalar berildi.

Maqsad — fuqarolarga sifatli tibbiy xizmat ko‘rsatish, sog‘liqni saqlash tizimini xalq manfaatlariga mos ravishda takomillashtirishdir.