Bugun Xalq deputatlari shahar Kengashining yettinchi chaqiriq, o‘n ikkinchi sessiyasi bo‘lib o‘tdi.

Dastlab, kun tartibidagi birinchi masala yuzasidan qonuniylikni mustahkamlash va jinoyatchilikka qarshi kurashish borasida 2025-yilning birinchi yarim yilligi davomida shahar prokuraturasi tomonidan amalga oshirilgan ishlar yuzasidan axborot eshitildi.

Shundan so‘ng shahar hududida jinoyat va huquqbuzarliklarning oldini olish, jamoat xavfsizligini ta’minlash borasida 2025-yilning 2-chorak davomida amalga oshirilgan ishlar to‘g‘risida Kattaqo‘rg‘on shahar ichki ishlar bo‘limi boshlig‘ining o‘rinbosari, jamoat xavfsizligi xizmati boshlig‘i Sh. Dusanov hisobot berdi.

Shuningdek, sessiyada Mahallalarning ijtimoiy-iqtisodiy muammolarini hal etish jamg‘armasining 2025-yil birinchi yarim yilligi davomidagi daromadlari va xarajatlari ijrosi bo‘yicha O‘zbekiston mahallalari uyushmasi shahar bo‘limi boshlig‘i A.Raxmonovning hamda Kattaqo‘rg‘on shahar hududida chiqindilarni o‘z vaqtida olib chiqib ketilishi bo‘yicha amalga oshirilayotgan ishlarni ko‘rib chiqish to‘g‘risida “Ikrom Nasrullaev” MChJ rahbari I.Nasrullaevning hisoboti deputatlar e’tiboriga havola etildi.

Sessiya kun tartibidagi navbatdagi masalalar, ya’ni Kattaqo‘rg‘on shahar mahalliy byudjetining 2025-yil 2-chorak daromadlar rejasining orttirib bajarilgan qismi hisobidan shakllangan qo‘shimcha mablag‘larini xarajatlarga yo‘naltirish to‘g‘risidagi, Kattaqo‘rg‘on shahar mahalliy byudjeti xarajatlarini 2025-yilda maqbullashtirish natijasida shakllangan qo‘shimcha manbalarni yo‘naltirish to‘g‘risida, Xalq deputatlari Kattaqo‘rg‘on shahar Kengashining 2024-yil 14-fevraldagi “Xalq deputatlari shahar Kengashi huzurida ekspert guruhi tashkil qilish to‘g‘risida”gi VII-6-13-7-106-K/25-sonli qarorining ilovasiga tegishli o‘zgartirish kiritish to‘g‘risida, Xalq deputatlari Kattaqo‘rg‘on shahar Kengashining 2024-yil 29-noyabrdagi “Xalq deputatlari Kattaqo‘rg‘on shahar Kengashining doimiy komissiyalarini tuzish va shaxsiy tarkibini tasdiqlash to‘g‘risida”gi VII-2-08-7-106-K/24-sonli qarorining ilovasiga tegishli o‘zgartirish kiritish to‘g‘risidagi hamda Xalq deputatlari shahar Kengashi deputatining deputatlik vakolatini muddatidan oldin tugatish to‘g‘risidagi qarorlari deputatlar tomonidan ma’qullandi.

Shuning bilan sessiya o‘z ishini yakunladi.