Xalq deputatlari Payariq tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiya raisi M.Nurmanova tomonidan joylarda uchrashuvlar tashkil etildi.

Tumandagi “Turkibola” mahallasi hududida joylashgan 64-maktabning o‘qituvchi va o‘quvchilari, Kattaturk oilaviy shifokorlik punkti xodimlari, 34-sonli davlat maktabgacha ta’lim muassasasi va xususiy bog‘cha pedagog xodimlari ishtirokida uchrashuvlar tashkil etildi.

Mazkur tadbir doirasida yoshlar o‘rtasida sog‘lom turmush tarzini targ‘ib qilish, axloqiy-me’yoriy qadriyatlarni chuqur singdirish hamda yosh avlodni yot g‘oyalardan asrash masalalariga alohida e’tibor qaratildi.

Uchrashuv davomida o‘quvchilarga va davlat xizmatida faoliyat yuritayotgan xodimlarga yurish-turish odoblari, tartib-intizomga rioya qilish, xulq-atvor madaniyati, kiyinishdagi me’yoriy talablar yuzasidan tushunchalar berildi.

Tadbir ishtirokchilari tomonidan bu kabi ma’naviy-ma’rifiy uchrashuvlarning muntazam tashkil etilishi yoshlar tarbiyasida, ijtimoiy madaniyatni yuksaltirishda muhim ahamiyat kasb etishi ta’kidlandi.