"Vatan uchun, Millat uchun, Xalq uchun!" – Bayramning asosiy g‘oyasiJuly

Joriy yilning 10 iyul kuni Prezidentimiz Shavkat Mirziyoev tomonidan “O‘zbekiston Respublikasi davlat mustaqilligining 34 yilligini o‘tkazishga tayyorgarlik ko‘rish va uni munosib nishonlash to‘g‘risida”gi Qaror imzolandi. Qarorda bu yilgi mustaqillik bayrami "Vatan uchun, Millat uchun, Xalq uchun!" degan ulkan ma’noga ega g‘oya asosida nishonlanishi belgilab berildi.

Bu g‘oya yurtimizda amalga oshirilayotgan barcha islohotlarning, yangilanish va taraqqiyot harakatlarining asosiy mazmunini ifodalaydi. Ayniqsa, bu yilgi bayramning mazmun-mohiyati, ruhi va yo‘nalishi aynan xalq bilan xalq uchun, millat va kelajak avlod uchun xizmat qilish g‘oyasiga bog‘langani bilan alohida ahamiyat kasb etadi.

Prezidentimizning mazkur qarorida ta’kidlanganidek, bayram tadbirlari:

milliy qadriyatlarimizni, milliy o‘zlikni va vatanparvarlik tuyg‘usini mustahkamlashga,

jamiyatda birdamlik va hamjihatlikni kuchaytirishga,

yosh avlodni ona Vatanga muhabbat ruhida tarbiyalashga qaratilgan bo‘ladi.

"Vatan uchun, Millat uchun, Xalq uchun!" shiori – bu so‘z emas, balki har bir yurtdoshimizning kundalik mehnatga, el-yurtga sadoqat bilan xizmat qilishga bo‘lgan chaqiriqidir. Ushbu g‘oya xalq va davlat birdamligiga asoslangan yangi O‘zbekiston siymosini yaratishda barchamiz uchun mafkuraviy tayanch bo‘lib xizmat qiladi.

Mustaqillik – bu shonli tarix, tinchlik va barqarorlik ramzi, xalqimizning erkin va farovon hayot qurishga bo‘lgan haqli intilishi timsoli hisoblanadi. Mustaqillikni asrash va uning ma’nosini chuqur anglash har bir vatan farzandining muqaddas burchi hisoblanadi.

Bu yilgi bayram tadbirlarida nafaqat rasmiy tantanalar, balki amaliy ishlar – yangi ish o‘rinlari yaratish, mahallalarni obod qilish, ehtiyojmand qatlamlarni qo‘llab-quvvatlashga doir dasturlar amalga oshiriladi. Zero, bayramning ruhi ham, mazmuni ham xalq manfaatini ta’minlashga qaratilgan bo‘lishi shart.

Xulosa o‘rnida, aytish mumkinki, “Vatan uchun, Millat uchun, Xalq uchun!” degan g‘oya bu yilgi bayramning shunchaki shiori emas, balki yangilanish, birdamlik va xalq bilan yashayotgan davlat siyosatiga bo‘lgan ishonchning ifodasidir.

Oqoltin tumani kengashi deputati: Esanbay Babayev