O‘zbekiston – Ozarbayjon: Qardoshlik va Strategik Hamkorlik Munosabatlari

O‘zbekiston va Ozarbayjon davlatlari o‘rtasidagi munosabatlar chuqur tarixiy ildizlarga, umumiy madaniy meros va mushtarak qadriyatlarga asoslangan. Har ikki davlat mustaqillikni qo‘lga kiritganidan so‘ng, diplomatik aloqalar 1995-yil 2-oktabrda o‘rnatilgan. Shu kundan boshlab ikki tomonlama munosabatlar izchil rivojlanib kelmoqda.

Qardosh xalqlar do‘stligi

O‘zbekiston va Ozarbayjon xalqlari turkiy ildizlarga ega bo‘lib, til, din, madaniyat va urf-odat jihatidan o‘zaro juda yaqin. Aynan shu mushtaraklik ikki davlat o‘rtasidagi do‘stlikni mustahkam poydevorga aylantirgan. Turkiy tilli davlatlar tashkiloti (OTTD) doirasidagi hamkorlik bu aloqalarni yanada faollashtirmoqda.

Siyosiy hamkorlik

O‘zbekiston Respublikasi Prezidenti Shavkat Mirziyoyev va Ozarbayjon Respublikasi Prezidenti Ilhom Aliyev o‘rtasidagi do‘stona aloqalar ikki davlat o‘rtasidagi siyosiy muloqotni yuqori darajaga olib chiqqan. Oliy darajadagi tashriflar, muzokaralar va hamkorlik shartnomalari tufayli siyosiy ishonch mustahkamlanmoqda.

2023-yil va 2024-yillarda amalga oshirilgan oliy darajadagi tashriflar davomida qator muhim hujjatlar imzolandi. Xususan, strategik sheriklik darajasiga chiqish, transport-logistika yo‘nalishlarini rivojlantirish va energetika sohasidagi loyihalarni amalga oshirish masalalari muhokama qilindi.

Iqtisodiy hamkorlik

O‘zbekiston va Ozarbayjon o‘rtasidagi savdo-iqtisodiy hamkorlik so‘nggi yillarda sezilarli darajada faollashdi. Ozarbayjonning Boku shahrida O‘zbekiston savdo uyi ochilgan, O‘zbekistonda esa Ozarbayjon kapitali ishtirokida korxonalar faoliyat yuritmoqda.

Transport va logistika sohalarida ham aloqalar jadallashmoqda. Xususan, Ozarbayjon orqali Yevropaga olib boruvchi “Zangazur koridori” va boshqa tranzit yo‘llar O‘zbekiston uchun strategik ahamiyat kasb etadi.

Madaniy-gumanitar aloqalar

Madaniyat, ta’lim, sport va turizm sohalarida ham ikki tomonlama hamkorlik kengaymoqda. Toshkent va Boku shaharlarida turli madaniy tadbirlar, san’at festivallari o‘tkazilmoqda. Ozarbayjonda o‘zbek adabiyoti, san’ati va musiqasiga katta qiziqish bor, xuddi shuningdek O‘zbekistonda ham ozarbayjon madaniyati e’tirof etilmoqda.

R.Valiyeva - Xalq deputatlari Qiziltepa tumani Kengashi