"Dolzarb 90 kun": Tadbirkorlik va Taʼlim Uygʻunligi Yoʻlida Muhim Qadam

Guliston shahridagi 17-umumtaʼlim maktabida yurtimizda olib borilayotgan islohotlarning amaliy ifodasi sifatida “Dolzarb 90 kun” loyihasi doirasida muhim uchrashuv tashkil etildi. Ushbu tadbirda mahalliy tadbirkorlar, Sirdaryo viloyati Savdo-sanoat palatasi rahbarlari hamda taʼlim muassasasi pedagogik jamoasi ishtirok etdi. Uchrashuv davomida o‘quvchilarning kelajakdagi kasb tanlovi, ularning tadbirkorlik ko‘nikmalarini shakllantirish, yoshlar bandligini taʼminlash borasida ochiq muloqot olib borildi. Tadbirkorlar o‘z faoliyati, yutuqlari hamda ishbilarmonlik muhitidagi tajribalari bilan bo‘lishdilar. Shu bilan birga, maktab bitiruvchilariga kasb-hunar o‘rganish va tadbirkorlikka ilk qadamlarni qo‘yish bo‘yicha amaliy tavsiyalar berildi.