Xalq deputatlari Payariq tumani Kengashi doimiy komissiyasi raisi M.Nurmanova tomonidan mahallalardagi ijtimoiy soha muassasalari faoliyatini o‘rganish, mavjud muammolarni aniqlash va ularni hal etishga ko‘maklashish maqsadida joylarda uchrashuvlar tashkil etilmoqda.

Shu maqsadda, navbatdagi uchrashuv tuman hududidagi “Qirqovul” oilaviy shifokor punktlari (OSHP)da faoliyat olib borayotgan tibbiyot xodimlari bilan o‘tkazildi. Uchrashuv davomida mahalliy tibbiyot muassasalarining moddiy-texnik bazasi, kadrlar bilan ta’minlanganlik holati, aholiga ko‘rsatilayotgan tibbiy xizmat sifati hamda mavjud muammolar bilan tanishildi.

Tibbiyot xodimlari tomonidan sog‘liqni saqlash tizimidagi islohotlar, oilaviy shifokor punktlarining faoliyatini takomillashtirish bo‘yicha bildirilgan taklif va mulohazalar doimiy komissiyasi raisi e’tiboriga havola etildi. Uchrashuv davomida bildirgan masalalar bo‘yicha tegishli tashkilotlar bilan hamkorlikda amaliy choralar ko‘rilishi belgilandi.