Ushbu sessiyada Xalq deputatlari Karmana tumani Kengashi kotibiyat mudiri Gulnoza Shermatova raislik qildi. Tuman deputatlari, tegishli korxona va tashkilot rahbarlari ishtirok etgan sessiyada kun tartibi bo‘yicha tuman mahalliy byudjetining 2025-yilning uch oylik ijrosi to‘g‘risida tuman moliya va iqtisodiyot bo‘limi boshlig‘i o‘rinbosari U.Rustamovning hisoboti, tumandagi umumta’lim maktablarining faoliyatini o‘rganish natijalari to‘g‘risida Xalq deputatlari Karmana tumani Kengashi kotibiyat mudiri G.Shermatovaning axboroti, “Xavfsiz va ravon yo‘l” umummilliy dasturi, avtomobil yo‘llarida inson xavfsizligini ishonchli ta’minlash doirasida amalga oshirilayotgan ishlarni muhokama qilish to‘g‘risida Karmana tumani IIB JXX YHXG katta inspektori A.Raxmonovning axboroti, tumanda korrupsiyaga qarshi kurashish va korrupsion holatlarni oldini olish borasida amalga oshirilayotgan ishlar to‘g‘risida Korrupsiyaga qarshi kurashish va xavfsizlik masalalari bo‘yicha doimiy komissiyasi raisi Z.Tog‘aevning axboroti va bir qator hisobotlar tinglandi.

✍️ Sessiya yakunida kun tartibidagi masalalar yuzasidan tegishli qarorlar qabul qilindi.