Мүнәсибет. 

«Биз ушын инвестиция – тек қаржы дереги емес. Бул – технология, билим, тәжирийбели кадрлар, халықаралық ислеп шықарыў системасына қосылыў, яғный, ҳақыйқый раўажланыў дегени!». 

Өзбекстан Республикасы
Президенти Ш.М.Мирзиёев 2025-жыл 10-июнь күни Ташкент қаласында болып өткен Халықаралық
инвестиция форумында шығып сөйлеген сөзинде
усы пикирлерди билдирди. 

Халықаралық форумда 7,5 тен артық делегат, 100 ге жақын мәмлекетлерден 3 мыңға шамалас мийманлар қатнасты. 

Президент сөзиниң басында дүнья жүзинде глобал қәўипсизлик ҳәм раўажланыўға болып атырған қәўиптиң артып барыўы, геосиясый процесслердиң көз алдымызда тез пәт пенен өзгерип баратырғанлығын, дүньяда қуралланыў пойгасының ҳәўиж алыўы, бүгинги күнде жәҳән жалпы өнимлердиң өсиў көрсеткишлери кейинги 3 жылда пәсейип кеткенлигин атап өтти. 

 Сондай-ақ, халықаралық дипломатия
күши әззиленгенлигин, ең ашынарлысы, инсаният ушын ең әҳмийетли машқалалар-азық-аўқат қәўипсизлиги, камбағаллық, ықлым өзгериўи сыяқлы мәселелерге итибардың кемейип баратырғанлығын сынға алды. 

Президент шығып сөйлеўинде Россия менен Украина арасындағы, Израил
менен Палестина арасындағы қарама-қарсылықларды дипломатиялық жол
менен шешиў , сондай-ақ, бизиң менен қоңсылас болған Афганстан мәмлекети менен халықаралық майданда конструктив
байланыс алып барыў зәрүрлигин атап өтти. 

Форумда президент тәрепинен қатнасыўшыларға форумның
тийкарғы темасы болған инвестициялар-
тек экономикалық раўажланыў емес, бәлки тынышлық ҳәм раўажланыў кепиллиги екенлигин айырықша атап өтиў менен бирге форум қатнасыўшыларын
«Инвестиция дәрамат
келтириў менен
бирге, инсан қәдирин улығлайтуғын, оның турмыс тәризин
тәмийинлейтуғын ҳәм жәмийет раўажланыўына хызмет ететуғын беккем тийкарға
айлансын!» деген усынысты алға сүрди.  

 Президент форумда жәҳән экономикасы жаңа дәўир ҳәм өзгерислер босағасында турғанлығын, бул өз гезегинде раўажланыў жолынан баратырған мәмлекетлерди төмендеги бағдарлар бойынша бирге ислесиў зәрүрлигине тоқтады : 

-“Жасыл экономика” экономикалық моделине өтиў; 

-санлы технология ҳәм жасалма интеллект экономикасының «Драйвери» не айланыўы;  

-бүгинги күнде қаржы системасы ҳәм технологиялардың кескин өзгериўи; 

-«Төртинши санаат раўажланыўы» «технологиялық минераллар» ға болған талаптың бир неше есеге көбейиўи. 

Президент сөзиниң жуўмағында Өзбекстан мәмлекети «Жаңа
Өзбекстан-инвестициялар ушын үлкен имканиятлар мәмлекети» принципин әмелий нәтийжелерге айландырыў мақсетинде барлық илажлар алып барылыўы бойынша исеним билдириў менен
бирге глобал ислеп шығарыўда ҳәр бир мәмлекет ушын тең шараятларды тәмийинлейтуғын исенимли қағыйдалар болыўы шәрт ҳәм зәрүрлигин атап өтти.  

Сондай-ақ, форум қатнасыўшыларына Орайлық Азияда «Инвестиция
ҳәм саўда ушын арнаўлы аймақ концепциясы»н алға сүрди. 

Форум қатнасыўшылары тәрепинен Президентимиз тәрепинен айтылған усыныслар қоллап-қуўатланды.  

Өзбекстан Халық демократиялық партиясы мәмлекеттиң сиясый-экономикалық раўажланыўын жеделлестириўде мәмлекетлер арасында инвестиция бағдарында биргес ислесиў ҳаққында өзбекстан республикасы Президентиниң форум қатнасыўшыларына усынысларын қоллап-қуўатлайды.  

Тахтакөпир
районлық  

Кеңес
депутаты Ж.Адилов