Мен, Халық депутатлары Қоңырат районлық Кеңеси депутатлығына 11-санлы “Қумбыз” сайлаў округинен сайланған депутат Муханов Оразгали Тажигалиевич усы жылдың 30-май күни белгиленген график тийкарында өз сайлаўшыларым алдында усы жылдың I-шереги даўамында әмелге асырған жумысларым ҳаққында сайлаўшыларға есабат бердим.

Атап айтқанда, Ҳүрметли Президентимиз тәрепинен Қарақалпақстанды социаллық-экономикалық раўажландырыў бойынша қабыл етилген Пәрман ҳәм Қарарлары, Халық депутатлары Қоңырат районлық Кеңеси Сессиясы қарарларының мазмун-мәнисин түсиндирилди. Сондай-ақ, жылдың атамасына сәйкес қабыл етилген мәмлекетлик бағдарламада нәзерде тутылған реже ҳәм ўазыйпалар ҳаққында мағлыўматлар берилди. 

Есабат дәўиринде сайлаўшылардан бир қатар мүрәжатлар келип түскен болып, оларға тийисли жуўапкерлер менен биргеликте унамлы шешип берилди. Өзбекстан ХДП Қоңырат районлық Кеңесинде шөлкемлестирилген «Жәмийетшилик қабыллаўхана»сына 1-шерек даўамында бир қанша мүрәжатлер келип түскен болып, мүрәжатлардың барлығы унамлы шешилиўине ерисилди.

Сондай-ақ, “Қумбыз” мәкан пуқаралар жыйыны аймағына пуқаралар қол телефонларынан қолайлы түрде пайдаланыу ушын (beeline) антенасы орнатылып берилди. 

Соны да атап өтиў орынлы, сайлаўшылар мәмлекетимизде әмелге асырылып атырған реформалардан разылығы, оны ҳәр күни өз турмысында сезип атырғанлығын билдирди.

Сессия ҳәм турақлы комиссия, партияның үгит-нәсият илажларында турақлы қатнасып, оларда партиямыз электораты мәплеринен келип шығып өз пикир ҳәм усынысларымды билдирип келмектемен. 

Муханов Оразгалий Тажигалиевич 11-санлы "Қумбыз" сайлаў округинен Халық депутатлары Қоңырат районлық Кеңеси депутаты