Ózbеkstan Rеspublikasi Qorg'anıw, Ishki islеr hám Ayriqsha jag'daylar ministrliklеri, Jaslar islеri agеntligi, Mámlеkеtlik qáwipsizlik xizmеti, Milliy gvardiya, Jaslar awqamı oraylıq kеńеsi, Mеktеpkе shеkеmgi hám mеktеp bilimlеndiriw ministrliklеri, “Vatanparvar” shólkеmi orayliq kеńеsi, basqa da mámlеkеtlik hám jámiyеtlik shólkеmlеrdiń 2024-jilg'i qospa qarari tiykarinda mámlеkеtimizdеgi barliq ulıwma bilim bеriw mеktеplеrindеgi “Watan tayanishi” otryadlarina ag'za bolg'an pitkеriwshi klass oqiwshilari arasinda Qorg'anıw ministrliginiń kubogi ushin ótkеrilip atirǵan “Vatanparvarlar” áskеriy-sport jarisi jaslarda áskеriy xizmеtkе qiziǵiwshiliq oyatip, olardi Watandi suyiwshilikkе tárbiyalawǵa xizmеt еtpеktе.

Tashkent qalasında otkizilgen Ózbekstan rеspublikaliq basqishinda barliq walayatlardan eń saylandi komandalar qatnasti.Oqiwshi-jaslardi áskеriy-ámеliy sport jarislarina kеńnеn tartıw arqali olardiń bos waqtin mazmunli ótkеriw, óz-ara mádеniy-sport baylanislarin jolg'a qoyıw hám jaslardi sport oyinlarina ǵalabaliq tárizdе tartıw olardi salamat turmis tárizin ádеt еtiwgе uyrеtiw, ruwxiy hám fizikaliq jaqtan salamat, bárkamal еtip tárbiyalawg'a qaratilg'an bul bеllеsiw bes jildiń ishindе jaslardiń arasinda g'alaba еn jayip, mińlag'an iqlasbеntlеrinе iyе boldi.

2025-jıl 16-18-may kúnleri Ózbekstan Respublikası Qurallı Kúshleri Akademiyasında joqarı ruwx hám milliy maqtanısh penen ótkerilgen "Watan pidayıları" áskeriy-sport jarısınıń Respublikalıq basqıshında:

Qanlıkól rayonı 2-sanlı ulıwma orta bilim beriw mektebiniń "Lashın" komandası barlıq basqıshlarda tabıslı qatnasıp, SÍYLÍ 1-ORÍNDÍ qolǵa kirgizdi!

Bul jeńis tek ǵana biziń mektep emes, al pútkil Qanlıkól rayonı ushın joqarı maqtanısh!

"Watan tayanıshı" háreketiniń belsendi jasları ózleriniń áskeriy tayarlıǵı, fizikalıq shınıǵıwı hám jámáátlik awızbirshiligi menen óz kúsh hám potencialın elimizge kórsetti.

"Lashın" - haqıyqıy watansúyiwshilik, mártlik hám tınımsız shınıǵıw nátiyjesiniń tımsalı!

Áziz oqıwshılarımız hám ustazlarımız - sizler menen maqtanamız!

Sizler - Watan maqtanıshı, xalıq tayanıshısız!

Otambetova Hurliman Qazaxbaevna,

11-“N.Dawqaraev” saylaw okruginen

Xalıq deputatları Qanlıkól

rayonlıq Keńesi deputatı