O‘zbekiston Respublikasi Prezidenti S.Mirziyoyev raisligida mahalliy sanoatni rivojlantirish bo‘yicha kelgusidagi ustuvor vazifalar yuzasidan o‘tkazilgan videoselektor yig‘ilishi tafsilotlari va unda belgilangan eng ustuvor vazifalar mazmun-mohiyati shahrimizdagi mahallalarda qizg‘in
o‘rganilmoqda. Jumladan, muhtaram yurtboshimizning bugungi tahlikali va noaniqliklarga to‘la sharoitda har bir mamlakat, avvalo, eng ko‘p ish o‘rinlari yaratadigan sohalarni himoyalash choralarini ko‘rishi lozimligi borasida ta’kidlagan tashqi bozordagi tebranishlar sharoitida 1 millionga yaqin aholi ishlayotgan to‘qimachilik, qurilish materiallari, mebelsozlikni qo‘llab-quvvatlash, iqtisodiyotimizning yana bir “drayveri” bo‘lishi kutilayotgan zargarlik sanoatiga e’tibor qaratganliklari muhim ahamiyat kasb etadi. Ayniqsa, sanoat, eksport va tushum bo‘yicha “respublika – tarmoq – viloyat – tuman” vertikal tizimidagi masalalar o‘z vaqtida va to‘liq hal qilinsa, sanoatda yana o‘sishga erishish mumkinligi qayd etilib, tanqidiy sarhisobda Bekobod shahrida ham hududiy korxonalarning kam mahsulot ishlab chiqarganligi hisobiga eksport kamayganligi ma’lum bo‘ldi. Bugungi kunda shaharda sanoat ishlab chiqarishni rivojlantirish va eksportni belgilangan topshiriq ko‘rsatgichlariga chiqish bo‘yicha barcha imkoniyatlarni ishga solish yuzasidan Ishchi guruhi faoliyat olib bormoqda. Bularning barchasi tizimli ravishda yo‘lga qo‘yilishi va amalga oshirilishi xalqimizning manfaatini qo‘llab-quvvatlash, iqtisodiyotimizning “drayver” sohalari oshishiga olib keladi.

Dilshod VAXOBJONOV, Xalq deputatlari Bekobod shahar kengashi deputati, doimiy komissiya raisi.