Ushbu tadbir “Milliy tiklanish” demokratik partiyasi Vobkent tuman kengashi raisi To‘ymurod Yoqubov hamda partiyaning tuman kengashi deputati Feruza Shodiyevalar tashabbusi bilan tashkil etildi.

Tadbir davomida o‘quvchilar va ota-onalarga erta nikohning salbiy oqibatlari, ayniqsa, qizlarning ta’lim olish huquqiga to‘sqinlik qilishi, ijtimoiy va psixologik muammolarga olib kelishi haqida aniq faktlar va hayotiy misollar asosida tushuntirishlar berildi. Mutaxassislar, pedagoglar va partiya vakillari tomonidan yoshlarga yetuk kasb egallab, ongli va mas’uliyatli hayot sari intilish lozimligi alohida ta’kidlandi.

Tadbir yakunida esa ota-onalar va o‘quvchilar o‘z fikr va mulohazalarini bildirib, bu kabi ma’rifiy uchrashuvlarning ahamiyati va davom ettirilishi kerakligini ta’kidlashdi.

Milliy qadriyatlarimiz – bilim, tarbiya, sog‘lom va farovon avlod tarbiyasida namoyon bo‘lishi kerak. Erta nikoh esa hech qachon qadriyat emas – u yoshlar kelajagiga soya soluvchi muammo ekanligini unutmaylik!