Ózbekstan Respublikası Densawlıqtı saqlaw Ministrliginiń 2025-jıl 18-aprel kúngi «Respublikamız aymaqlarında «Salamatlıq aylıǵı»n ótkeriw haqqında»ǵı 102-sanlı buyrıǵınıń orınlanıwın támiyinlew maqsetinde Qaraózek rayonlıq medicina birlespesi xızmetkerleri tárepinen rayon boylap úgit-násiyat ilajların shólkemlestirip kelmekte. 

Rayon orayındaǵı «Ata mákan» mákan puqaralar jıyınında aymaqta jasawshı nuranıylar, jaslar arasında shólkemlestirilgen úgit-násiyat ilájına Xalıq deputatları Qaraózek rayonlıq Keńesi deputatları M.Gulimbetov , A.Kelimbetovalar da qatnasıp, bul baǵdarda ámeldegi nızam hám húkimetlik qararlar menen tanıstırdı. Deputatlar hám densawlıq saqshıları tárepinen jámiyette salamat turmıs tárizin qáliplestiriw, tuwrı awqatlanıw hám sport-salamatlastırıw shınıǵıwları menen shuǵıllanıw boyınsha qatnasıwshılar menen pikir alısıldı.