Shu maqsadda, doimiy komissiya a’zolari tomonidan tumandagi 11-davlat maktabgacha ta’lim tashkilotiga joyiga chiqqan holda o‘rganish ishlari olib borildi. 

Tashrif chog‘ida muassasadagi ta’lim-tarbiya jarayoni, bolalar uchun yaratilgan moddiy-texnik baza, ovqatlanish va sanitariya-gigiena holati, kadrlar bilan ta’minlanganlik darajasi va boshqa yo‘nalishlar atroflicha o‘rganildi. 

Shuningdek, pedagogik jamoa va muassasa rahbariyati bilan suhbatlar tashkil qilinib, ularning muammo va takliflari eshitildi.
Aniqlangan kamchiliklarni bartaraf etish yuzasidan tegishli taklif va tavsiyalar ishlab chiqildi hamda mutasaddi tashkilotlarga yetkazilishi belgilandi. 

Ushbu o‘rganishlar doimiy komissiyaning joylarda ijtimoiy sohalarni rivojlantirish, yoshlar va bolalar uchun munosib sharoit yaratish, ta’lim tizimida samaradorlikni oshirishga qaratilgan amaliy ishlarining bir qismi sifatida tashkil etildi. 

Oltinsoy tumani Kengash Kotibiyati Axborot xizmati 

✅ Kanalga ulanish uchun: https://t.me/OltinsoyKengashkotibiyati