2025-yil 29-yanvar kuni Xalq deputatlari Chinoz tumani Kengashining “Mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasining majlisi bo‘lib o‘tdi. Majlisda kun tartibidagi masala, 2025-yilda Chinoz tumanini kompleks ijtimoiy-iqtisodiy rivojlantirish bo‘yicha ishlab chiqilgan dasturni tasdiqlash to‘g‘risida Chinoz tumani hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari Sultonov Zafarning hisoboti eshitildi.

   Majlis kun tartibidagi masala muhokamasida deputatlar Abduvohid Turdiboyev, Asqar Baxramov, Rustam Raxmatovlar o‘zlarining savol, taklif va fikr-mulohazalarini bildirib o‘tdilar. Doimiy komissiya raisi va a’zolari tomonidan bildirilgan fikr-mulohazalarni inobatga olib, Xalq deputatlari Chinoz tumani Kengashining navbatdan tashqari sessiyasi kun tartibiga kiritish to‘g‘risida xulosa qilinib, sessiyasi kun tartibiga kiritish bo‘yicha qaror qabul qilindi.