Deputatlar va tadbirkorlar muloqot forumi

 O'zLiDeP Surxondaryo viloyat Kengashi tashabbusi bilan Transport va qurilish texnologiyalari texnikumida “Deputatlar va tadbirkorlar muloqot forumi” tashkil etildi.

 Unda Oliy Majlis Qonunchilik Palatasi deputati R.Astanaqulova, O‘zLiDeP Surxondaryo viloyat Kengashi raisi, viloyat Kengashi deputati A.Ro‘ziev, viloyat Kengashi deputati - tadbirkor G.Kravchenya va Termiz tuman Kengashi deputatlari O‘.Omonov, R.Shamanov va T.Berdiyarovalar ishtirok etdi.

 Muloqot forumida kichik biznes vakillari, oilaviy tadbirkorlarni qiynayotgan muammoli masalalar o‘rtaga tashlandi. O‘z tadbirkorligini boshlamoqchi bo‘lgan yoshlar joy, kredit, uskunalarni xarid qilishda amaliy ko‘mak zarurligini bildirishdi. 

Albatta, deputatlar bu borada o‘z tavsiyalarini berishdi. Shu bilan birga, bugun mamlakatimizda tadbirkorlarga berilgan imtiyozlar borasida ham ma’lumot berildi. Forumda ko‘tarilgan masalalar yuzasidan deputatlar o‘z vakolati doirasida amaliy yordam ko‘rsatishlarini aytib o‘tishdi.