“Yangi Angren IES”ga ko‘mir tashiyotgan yuk mashinalardan to‘kilayotgan ko‘mir mahalladagi ko‘chalarni rasvo holatga keltirib tashlayotgani bo‘yicha murojaatlar mahalladan saylangan deputat Shahlo Ko‘chimova tomonidan o‘rganilib, IES rahbari bilan uchrashuv o‘tkazilgan va bu uchrashuvda IES direktori mahallaga borishini va’da bergan edi.

   Bugun IES direktori deputat bilan birga “Yonariq” MFYga kelibdi. Muammolar o‘rganilibdi. Quyidagi ishlar amalga oshirilishi belgilanibdi:

– pereezddan IESgacha bo‘lgan yo‘l joriy ta’mirlanadi;

– yo‘lga tushgan ko‘mirlar muntazam ravishda tozalanib, yuviladi. Buning uchun maxsus texnika sotib olishga ko‘rsatma berilgan.

– homiylar topib, maktabga olib boruvchi yo‘l asfaltlanadi;

– kelgusida bu yo‘ldan ko‘mir tashish to‘xtatilib, Aqcha tomondagi dachalar oldidan alohida yo‘l qilinadi;

– yuk mashinalarga ortilayotgan yukning me’yordan ortib ketmasligi qat’iy nazoratga olinadi.