Tadbir davomida mahalladagi ko‘chalarni tungi yoritish chiroqlari bilan ta’minlash, mavjud yoritish tizimlarini yaxshilash, shuningdek, chiqindi to‘planadigan joyni tartibga keltirish masalalari ko‘rib chiqildi.
Mas’ullar tomonidan aniqlangan kamchiliklar joyida o‘rganilib, ularni bartaraf etish bo‘yicha tegishli takliflar bildirildi. Aholi uchun qulay va xavfsiz sharoit yaratish, hudud obodonligini ta’minlash hamda sanitariya holatini yaxshilash masalalariga alohida e’tibor qaratildi.
O‘rganish davomida aniqlangan muammolar deputatning murojaatlari daftariga belgilangan tartibda qayd etildi. Mazkur masalalarni ijobiy hal etish maqsadida tegishli tashkilotlarga deputatlik so‘rovi yuborish hamda murojaatlar ijrosini nazoratga olish belgilab olindi.