Xalq deputatlari Jondor tumani Kengashiga 1-Tinchlik saylov okrugidan saylangan deputat I. Xolov hamda tuman Kengashi kotibiyati bosh mutaxassisi R. Murodovlar hamkorligida Jondor mahallasida barpo etilayotgan favvora va ko‘ngilochar maskanda amalga oshirilayotgan qurilish-montaj ishlari bilan yaqindan tanishdilar.
🔹Tashrif davomida qurilish ishlarining borishi, obyektdagi obodonlashtirish ishlari, qurilish sifati hamda belgilangan muddatlarga amal qilinishi o‘rganildi. Shuningdek, aholi uchun zamonaviy dam olish maskanini barpo etish, hudud infratuzilmasini yanada yaxshilash va fuqarolar uchun qulay shart-sharoitlar yaratish masalalari muhokama qilindi.
🔹Deputat tomonidan qurilish ishlarini sifatli va o‘z vaqtida yakunlash, xavfsizlik talablariga qat’iy rioya etish hamda hududni ko‘kalamzorlashtirish ishlariga alohida e’tibor qaratish yuzasidan tegishli tavsiyalar berildi.
🔹Mazkur qurilish loyihasi Jondor mahallasining qiyofasini yanada ko‘rkamlashtirish, aholining madaniy hordiq chiqarishi uchun zamonaviy sharoitlar yaratish hamda hududning jozibadorligini oshirishga xizmat qilishi ta’kidlandi.