Muhokama davomida hududdagi ichki yo‘llarni ta’mirlash, piyodalar yo‘laklarini tartibga keltirish, yashil hududlarni kengaytirish, zamonaviy yoritish tizimlarini o‘rnatish, bolalar maydonchalari va jamoat maskanlarini obodonlashtirish, shuningdek, muhandislik-kommunikatsiya infratuzilmasini yanada yaxshilashga qaratilgan takliflar atroflicha ko‘rib chiqildi.

Shuningdek, mahalla aholisining taklif va ehtiyojlaridan kelib chiqib, loyihada nazarda tutilgan tadbirlarni bosqichma-bosqich amalga oshirish, ishlar sifatini ta'minlash hamda belgilangan vazifalar ijrosi ustidan deputatlik nazoratini olib borish masalalariga alohida e'tibor qaratildi.

Mahallalarni obod va zamonaviy qiyofaga keltirish, fuqarolar uchun qulay yashash muhitini yaratish hamda hududlarni kompleks rivojlantirish deputatlik faoliyatining muhim yo‘nalishlaridan biri hisoblanadi.

️ Xalq deputatlari Samarqand shahar Kengashi