Jumladan, Bekho mahallasi Guliston ko‘chasida istiqomat qiluvchi fuqaro Diyor Teshayev deputatga murojaat qilib, temirdan turli ro‘zg‘or buyumlari ishlab chiqarish faoliyatini kengaytirish maqsadida imtiyozli kredit olishda amaliy ko‘mak so‘ragan edi.

Mazkur murojaat deputat tomonidan joyiga chiqib o‘rganilib, mahalla mas’ullari hamda mutasaddi tashkilotlar bilan hamkorlikda tegishli choralar ko‘rildi. Natijada fuqaroning murojaati ijobiy hal etilib, unga o‘z faoliyatini rivojlantirish uchun imtiyozli kredit ajratilishiga erishildi.

Shuningdek, deputat tadbirkor bilan suhbat davomida tadbirkorlik faoliyatini qo‘llab-quvvatlash, mavjud imtiyoz va imkoniyatlardan samarali foydalanish, faoliyatni yanada kengaytirish masalalari yuzasidan tavsiyalar berdi hamda sohaga oid amaldagi qonunchilikning mazmun-mohiyati haqida tushuntirishlar berdi.

Tashrif davomida mahalla faollari bilan ham uchrashuv o‘tkazilib, hududdagi dolzarb muammolar, infratuzilmani yaxshilash, kommunal xizmatlar sifati va obodonlashtirish masalalari yuzasidan fikr almashildi. Bildirilgan murojaat va takliflar deputat tomonidan nazoratga olinib, ularni bosqichma-bosqich hal etish yuzasidan tegishli ishlar belgilandi.

Fuqarolar murojaatlariga amaliy yechim topish, tadbirkorlikni qo‘llab-quvvatlash va aholi bilan doimiy muloqot qilish deputatlik faoliyatining ustuvor yo‘nalishlaridan biri hisoblanadi.

️ Xalq deputatlari Samarqand shahar Kengashi