Qibray tumani hokimi, Xalq deputatlari tuman Kengashi deputati Muzaffar Rashidov rahbarligida tuman Xalq qabulxonasida fuqarolar uchun sayyor qabul tashkil etildi. Unda aholi tomonidan ko‘tarilgan dolzarb masalalar tinglanib, ularni hal etish yuzasidan amaliy choralar belgilandi.

Qabul jarayonida kadastr, bandlik, moddiy yordam, imtiyozli kreditlar ajratish, shuningdek, kommunal sohalarga oid murojaatlar tegishli tashkilotlar mutasaddilari ishtirokida batafsil ko‘rib chiqildi. Ayrim masalalar joyida hal etilgan bo‘lsa, qo‘shimcha o‘rganish talab etiladigan murojaatlar bo‘yicha mas’ullarga aniq topshiriqlar berilib, murojaatlar ijrosi qat’iy nazoratga olindi.

Shuningdek, qabulda tuman IIB boshlig‘i J.Mayakubov, tuman prokurori o‘rinbosari F.Aliyev hamda adliya bo‘limi boshlig‘i D.Matrasulov ishtirok etib, fuqarolarning huquqiy masalalariga oid savollariga javob berdilar.