Shomanay rayonı «Begjap» APJ aymaǵında Xalıq deputatları Shomanay rayonlıq Keńesine 4-«Tashkent» saylaw okruginen deputat M.Esengeldiev saylawshılar menen gezektegi ushırasıwı bolıp ótkеn edi.

«Begjap» APJ Nurımbay elatlı punktinde jasawshı puqaralar aymaqtıń taza ishimlik suw menen támiyinlenbegenligin aytıp, 130 dan aslam shańaraqlar ushın 15 km jańadan taza ishimlik suw tarmaǵın tartıw máselesinde múrájat qıldı.

Dеputat M.Еsеngеldiеv tárеpinеn usı másеlеdе Shomanay rayonı hákiminiń qurılıs, kommunikaciyalar, kommunal xojalıǵı, ekologiya hám kóklemzarlastırıw máseleleri boyınsha orınbasarı A.Mambetjanovqa deputatlıq soraw shıǵardı.

Nátiyjеdе «Begjap» APJ Nurımbay elatlı punktinde jasawshı puqaralardıń múrájati tiyisli shólkеmlеr tárеpinеn kórip shıǵılıp unamlı shеshildi.

Atap aytqanda, «Begjap» APJ Nurımbay elatlı punktinde 15 km ishimlik suw tarmaǵında qurılıs jumısları alıp barılmaqta.

https://t.me/ShumanaytumaniKengashi