O‘zbekiston Respublikasi Vazirlar Mahkamasining 2019-yil 6-sentyabrda 741-sonli “Aholiga huquqiy axborotni yetkazish va yuridik yordam ko‘rsatish tizimini yana-da takomillashtirish chora-tadbirlari to‘g‘risida”gi qaroriga asosan “Madad” – muassasa shaklidagi nodavlat notijorat tashkiloti tashkil etilgan. “Madad” – muassasa shaklidagi nodavlat notijorat tashkiloti asosiy vazifalari:

 -fuqarolarga huquqiy masalalar boʻyicha shu jumladan, onlayn maslahatlar va tushuntirishlar berish yoʻli bilan birlamchi bepul yuridik yordam koʻrsatish;

-fuqarolarning huquqiy bilimlarini ijtimoiy-siyosiy oʻzgarishlar bilan uygʻun ravishda oshirib borish ishlariga koʻngillilarni safarbar etish;

-fuqarolar tomonidan huquqiy maslahat berishga oid soʻrovlarni tahlil qilib borish, tahlil natijasiga koʻra huquqni qoʻllash amaliyoti va amaldagi qonunchilikni takomillashtirish yuzasidan takliflar ishlab chiqish;

-aholining huquqiy ongi va huquqiy madaniyatini yuksaltirishda innovatsion usullarni, xorijiy davlatlarning bu boradagi ijobiy tajribalarini tatbiq etishdan iborat. 

Kelgusida “Madad” – muassasa shaklidagi nodavlat notijorat tashkiloti bilan fuqarolarning huquqiy muammolarini hal etishda bepul va sifatli yuridik yordam olishi hamda aholining huquqiy ongi va huquqiy madaniyatini yuksaltirishda deputatlar va "Madad” – muassasa shaklidagi nodavlat notijorat tashkilotining tumandagi vakili bilan hamkorlikda mahallalarda, muassasalarda va tashkilotlarda huquqiy savodxonlik tadbirlarini tashkil etib borishga kelishib olindi.