Kengashning haftalik ish rejasi ijrosini ta'minlash maqsadida, xalq deputatlari Chilonzor tumani Kengashi deputati, Adolat SDP a'zosi Xusainov Alisher Abduvahobovich tomonidan Bekto‘pi MFYda kambag‘allik reyestriga kiritilgan oilalarni kambag‘allikdan chiqarish, ularning bandligini ta’minlash va daromad manbalarini oshirish borasida amalga oshirilayotgan ishlar o‘rganildi.
📌 O‘rganish davomida mahallada 44 ta oila kambag‘allik reyestriga kiritilgani aniqlandi. Ularning 19 tasi nogironligi, boquvchisini yo‘qotganligi va boshqa ijtimoiy holatlar sababli davlat ta’minotida.
Shuningdek, mazkur oilalar a’zolaridan 2 nafari kasb-hunarga o‘qitilgan, yana 1 nafar fuqaro ayni paytda tegishli tashkilotda amaliyot o‘tamoqda.
🔹 O‘rganishlar jarayonida reyestrga kiritilgan oilalar tarkibidan 10 nafar fuqaro ishlash istagida ekani va ish izlayotgani aniqlandi.
Jumladan, Mirzayeva Malohat, Eshquvatova Nodira, Mirahmedova Dilrabo va yana 7 nafar fuqaroning kasb-hunari, qobiliyati va mehnat imkoniyatlaridan kelib chiqib, deputatning amaliy ko‘magi asosida MChJ “Tashkent Trade Center” xorijiy korxonasi hududida faoliyat yuritayotgan tadbirkorlar bilan hamkorlikda ularni munosib ish o‘rinlariga joylashtirish choralari ko‘rilmoqda.
🎯 Asosiy maqsad — fuqarolarni shunchaki ijtimoiy qo‘llab-quvvatlash bilan cheklanib qolmasdan, ularning mehnat salohiyatini ro‘yobga chiqarish, doimiy daromad manbasini shakllantirish va oilalar farovonligini oshirishdir.
🤝 Bandlikni ta’minlash — oilaga daromad, daromad esa barqaror farovonlik demakdir.