Muhokama davomida:

🔹 4-“Bo‘ston” saylov okrugi deputati Abramova Go‘zal Jumanazarovna tomonidan aniqlangan qonunbuzilishlarning takrorlanishiga sabab bo‘layotgan tizimli omillar hamda ularni bartaraf etish bo‘yicha ko‘rilayotgan aniq choralar yuzasidan savol berildi.

🔹 8-“O‘zbekiston” saylov okrugi deputati Ro‘ziyeva Mahbuba To‘g‘aymurodovna tomonidan fuqarolarning buzilgan huquq va qonuniy manfaatlarini tiklash yuzasidan sudlarga kiritilgan da’volarning asosiy yo‘nalishlari hamda bunday huquqbuzarliklarning oldini olish bo‘yicha amalga oshirilayotgan profilaktik ishlar haqida savol yo‘llandi.

🔹 23-“Pattakesar” saylov okrugi deputati Berdiyev Toji Irgashovich tomonidan ijtimoiy tarmoqlarda davlat xizmatlari, FHDYo, notariat va boshqa huquqiy xizmatlar yuzasidan bildirilayotgan murojaat va e’tirozlarni monitoring qilish hamda ular asosida xizmat ko‘rsatish tizimini takomillashtirish bo‘yicha amalga oshirilayotgan ishlar yuzasidan savol berildi.

Bildirilgan savollarga Termiz shahar Adliya bo‘limi boshlig‘i G‘. Tilovqobilov tomonidan tegishli javob va tushuntirishlar berildi.