O‘rganish davomida tarbiyalanuvchilarni sifatli va xavfsiz oziq-ovqat mahsulotlari bilan ta’minlash, kunlik ovqatlanish menyusining belgilangan talablarga muvofiqligi, mahsulotlarning o‘z vaqtida yetkazib berilishi, saqlash sharoitlari hamda yaroqlilik muddatlariga alohida e’tibor qaratildi.
️Shuningdek, oziq-ovqat mahsulotlarining qabul qilinishi va omborlarda saqlanish tartibi, mahsulotlarning sanitariya-gigiyena talablariga muvofiq joylashtirilishi, oshxona va yordamchi xonalarning tozaligi, ovqat tayyorlash jarayonida belgilangan talablarga rioya etilishi holatlari ham ko‘zdan kechirildi.
️Bundan tashqari, tarbiyalanuvchilarga taqdim etilayotgan taomlarning sifati va to‘yimliligi, bolalarning yosh xususiyatlaridan kelib chiqib ovqatlanish ratsionining shakllantirilishi hamda kundalik menyuda zarur oziq moddalarining yetarli darajada bo‘lishi masalalari muhokama qilindi.
️O‘rganish jarayonida aniqlangan masalalar yuzasidan mas’ullarning faoliyati tanqidiy-tahliliy ko‘rib chiqilib, oziq-ovqat mahsulotlarining sifati va xavfsizligini doimiy nazorat qilish, saqlash sharoitlariga qat’iy rioya etish, ovqatlanish jarayonini belgilangan talablar asosida tashkil etish bo‘yicha tegishli tavsiya va ko‘rsatmalar berildi.
️Alohida ta’kidlanganidek, maktabgacha ta’lim tashkilotlarida tarbiyalanuvchilarning sog‘lom rivojlanishi uchun zarur shart-sharoitlarni yaratish, ularni sifatli ovqatlanish bilan ta’minlash va sanitariya-gigiyena talablariga rioya etilishi deputatlik nazoratining muhim yo‘nalishlaridan biridir.
️Mazkur yo‘nalishdagi o‘rganishlar davom ettirilib, aniqlangan kamchiliklarni bartaraf etish hamda tarbiyalanuvchilar uchun yanada qulay, xavfsiz va sog‘lom muhit yaratish bo‘yicha amalga oshirilayotgan ishlar nazoratga olinadi.