🇺🇿 Xalq deputatlari Uchtepa tumani Kengashiga O'zbekiston Milliy tiklanish demokratik partiyasidan saylangan "13-Uchtepa" saylov okrugi deputati Karimov Jamshid Fatxullayevich tomonidan Uchtepa tumani IIO FMB boshligʻi A.Baxramovga deputatlik so'rovi chiqarildi.

⚠️ O‘zbekiston “Milliy tiklanish” demokratik partiyasining 2026-yilga mo‘ljallangan Ish rejasining 9-bandiga muvofiq, yoshlar tomonidan sodir etiladigan jinoyatlarning oldini olish, ularning kelib chiqishiga sabab bo‘layotgan ijtimoiy muammolarni aniqlash hamda bartaraf etish masalalari ustuvor vazifa etib belgilanganligi hamda bugungi kunda yoshlar o‘rtasida sodir etilayotgan huquqbuzarlik va jinoyatlar, ularning sabablari hamda profilaktika ishlari samaradorligini chuqur o‘rganish dolzarb ahamiyat kasb etayotganligi sababli quyidagi asosiy masalalar so'raldi:

✍️ yoshlar o‘rtasida jinoyatchilikning oldini olish borasida amalga oshirilayotgan profilaktik chora-tadbirlar, ularning samaradorligi hamda mavjud muammolar haqida axborot berish;

✍️ aniqlangan muammo va kamchiliklarni bartaraf etish yuzasidan ko‘rilayotgan choralar hamda kelgusidagi rejalar haqida ma’lumot;

✍️ o‘rganish natijalari bo‘yicha asoslantirilgan ma’lumotlar haqida belgilangan muddatda yozma ravishda asosli javob yuborish so'ralmoqda.

🗣 Deputatlik so‘rovida ko‘tarilgan masala yuzasidan o‘rganish natijalari hamda amalga oshiriladigan ishlar bo‘yicha 10 kun muddatda asoslantirilgan ma’lumot taqdim etish talabi qo‘yilgan. Mazkur masala deputat tomonidan nazoratga olingan.