Xalq deputatlari Sh.Rashidov tuman Kengashi deputati Begimov Olamgir Akram o'g'li tomonidan aholidan kelib tushgan murojaatlar hamda hududlardagi o'rganishlari asosida aniqlangan muammo yuzasidan deputat so'rovi yuborildi.

Yoshlik mahallasi Obi hayot ko‘chasidagi transformator hududi atrofida himoya temir panjarasi mavjud emasligi sababli xavfsizlik talablari to‘liq ta’minlanmagan. Mazkur hududdan o‘quvchilar va fuqarolar doimiy foydalanib kelayotgani esa aholi, ayniqsa bolalar hayoti va salomatligi uchun xavf tug‘dirishi mumkinligi qayd etildi.
Deputat tomonidan mutasaddi tashkilotga deputatlik so‘rovi yuborilib, muammoni joyiga chiqqan holda deputat ishtirokida o‘rganish, mavjud holat yuzasidan asoslantirilgan tushuntirish berish hamda xavfsizlikni ta’minlash bo‘yicha amalga oshirilgan ishlar yoki kelgusida rejalashtirilgan chora-tadbirlar haqida yozma axborot taqdim etish so‘raldi.
Mazkur masala deputatlik nazoratiga olinib, aholi xavfsizligini ta’minlash yuzasidan amaliy choralar ko‘rilishi belgilandi.