Xalq deputatlari Muzrabot tumani Kengashiga 19-Qizil olma saylov okrugidan saylangan deputat Artikova Umida Djumayevna tuman Kengashi kotibiyati bosh mutaxassisi B.Xoliqov hamrohligida tumandagi “Olmazor” mahallasida bo‘lib, mahalla yettiligi faoliyati bilan yaqindan tanishib, yoshlar, xotin-qizlar, nuroniylar va mahalla faollari bilan muloqot qildi, ularning takliflarini eshitdi.

Suhbatlar avvalida aholiga so‘nggi yillarda mamlakatimizda amalga oshirilayotgan izchil islohotlar, qabul qilingan yangi qonunlarning ahamiyati, Prezident Farmon va qarorlarining mazmun-mohiyati haqida ma’lumotlar berildi.

“Mahalla yettiligi” xodimlari tomonidan amalga oshirilayotgan faoliyati tahlil qilindi. Aholi bilan ishlash mexanizmlari, murojaatlarni qabul qilish tartibi, muammolarni manzilli hal etish bo‘yicha olib borilayotgan ishlar atroflicha ko‘zdan kechirildi.

O‘rganish jarayonida mahalla yettiligi tomonidan yuritilayotgan hujjatlar, reja-jadvallar va ijro intizomi ham tahlil qilinib, faoliyat samaradorligini oshirish yuzasidan amaliy tavsiyalar berildi. Ayrim masalalar bo‘yicha joyida tushuntirishlar berilib, kamchiliklarni bartaraf etish yuzasidan aniq vazifalar belgilandi. Mahalla yettiligi bilan fuqarolar tomonidan qilingan murojaatlardagi muammolar bo‘yicha ham joyiga borgan holda o‘rganildi. Masalalarni hal etilishi yuzasidan deputatlik so‘rovlarini tashkilotlarga jo‘natish bo‘yicha vazifa belgilab olindi.

Shuningdek, uchrashuv davomida muloqot o‘tkazilib, mahalla yettiligi a’zolarining ish jarayonida uchrayotgan muammolari ham tinglandi. Ularning faoliyatini muvofiqlashtirish, hamkorlikni kuchaytirish hamda aholi murojaatlariga tezkor va natijador yechim berish bo‘yicha taklif va tavsiyalar berildi.