Xalq deputatlari Qo‘qon shahar Kengashining 20-“To‘laboy” saylov okrugidan saylangan deputati O‘.Maxmudov tomonidan “To‘laboy” mahalla fuqarolar yig‘inida o‘rganish ishlari olib borildi.

️O‘rganish davomida mahalla hokim yordamchisi I.Qunduzov tomonidan Orom ko‘chasidagi 18-uyda istiqomat qiluvchi S.Umarovaga tikuvchilik faoliyatini yo‘lga qo‘yish va rivojlantirish borasida ko‘rsatilgan xizmatlar bilan tanishildi.

Ma’lum bo‘lishicha, S.Umarova tikuvchilik faoliyati bilan shug‘ullanib, ayollar uchun turli liboslar tikmoqda. Hozirgi kunda uning faoliyati doirasida 20 nafardan ortiq ayol mehnat qilmoqda. Bu esa xotin-qizlar bandligini ta’minlash, ularning kasbiy salohiyatini namoyon etish hamda daromad topish imkoniyatlarini kengaytirishga xizmat qilmoqda.

O‘rganish jarayonida mahallada tadbirkorlik tashabbuslarini qo‘llab-quvvatlash, tikuvchilik kabi kasanachilik va ishlab chiqarish yo‘nalishlarini rivojlantirish orqali yangi ish o‘rinlarini yaratish borasida amalga oshirilayotgan ishlar bilan tanishildi.

Xalq deputatlari Qo‘qon shahar Kengashi