#sessiya_kun_tartibiga_kiritiladigan_masala #24_ta_tavsiyalar_ijrosi #13-band #17-band #deputat_faoliyati #kotibiyat_xodimi_faoliyati Xalq deputatlari Termiz shahar Kengashining 4-“Bo‘ston” saylov okrugi deputati G.Abramatova hamda Kengash kotibiyati bosh mutaxassisi R.Mamashukurov tomonidan “Jayhun” mahallasida deputatlik nazorat-tahlil tadbiri o‘tkazildi.

O‘rganish ishlari Kengashning navbatdagi sessiyasi kun tartibiga kiritilgan Termiz shahridagi ko‘p kvartirali uy-joylarni 2026–2027-yillar kuz-qish mavsumiga tayyorlash bo‘yicha 2026-yilning 9 oyi davomida amalga oshirilgan ishlar yuzasidan olib borildi.

Oliy Majlis Senati tomonidan belgilangan “24 ta eng muhim yo‘nalish”ning 13- va 17-bandlari doirasida boshqaruv kompaniyalari faoliyati, ko‘p qavatli uylarning ichki yo‘laklari va yerto‘lalari, uylar atrofining tozaligi hamda yoritilishi, shuningdek, chiqindilarni o‘z vaqtida olib chiqish holatlari o‘rganildi.
Asosiy e’tibor ko‘p qavatli uylar va ularga tutash hududlarda obodonlashtirish ishlarining holati, sanitariya talablariga rioya etilishi hamda kuz-qish mavsumiga tayyorgarlik darajasiga qaratildi.

Deputatlik nazoratining maqsadi — ko‘p kvartirali uy-joylarda yashovchilar uchun toza, obod va xavfsiz muhit yaratish hamda aniqlangan muammolarni bartaraf etish choralarini kuchaytirish.

Slide 1 of 5