Xalq deputatlari tuman Kengashining 2026-yilga mo‘ljallangan ish rejasiga muvofiq O‘zbekiston Xalq demokratik partiyasidan saylangan deputat J.Sadirov va O‘zbekiston mahallalari uyushmasi tuman bo‘limi boshlig‘i M.Ashurov tomonidan tumanning “Yoshlik” mahallasida “Ijtimoiy reyestr”ga kiritilgan oilalar bilan olib borilayotgan ishlar mahalla raisi bilan birgalikda tahlil qilindi.

🔻O‘rganish davomida ijtimoiy himoyaga muhtoj oilalarni qo‘llab-quvvatlash, ularning turmush sharoitini yaxshilash, mavjud muammolarini aniqlash va ehtiyojlaridan kelib chiqqan holda manzilli yordam ko‘rsatish masalalariga e’tibor qaratildi. Ma’lumotlarga ko‘ra, mahallada jami 67 ta oila “Ijtimoiy reyestr”ga kiritilgan bo‘lib, ularning 21 tasi davlat ta’minotidagi oila, 39 tasi kambag‘al oila va 7 tasi kambag‘allik chegarasidagi oilalarni tashkil etadi.

🔻Mazkur oilalar bilan ishlashda har bir xonadonning ijtimoiy-iqtisodiy holatini inobatga olish, mavjud muammolarni o‘z vaqtida aniqlash hamda oilalarni qo‘llab-quvvatlash choralarini ularning ehtiyojlariga mos ravishda tashkil etish muhimligi ta’kidlandi.

🔻O‘rganish jarayonida fuqarolardan kelib tushgan murojaatlardan biri ham ko‘rib chiqildi. Xususan, fuqaro tomonidan o‘zboshimchalik bilan egallangan yer uchastkasidagi uy-joyga bo‘lgan huquqni e’tirof etish hamda tomorqa yerini sug‘orish tizimini tashkil qilish masalalari ko‘tarildi. Ushbu masalalarni hal etishda tegishli mas’ul tashkilotlar bilan hamkorlik qilish va mavjud imkoniyatlarni inobatga olgan holda amaliy yechimlarni izlash muhimligi ta’kidlandi.

🔻Deputat tomonidan mahalla raisiga ijtimoiy reyestrga kiritilgan oilalar bilan manzilli ishlashni davom ettirish, ularning muammolarini muntazam o‘rganib borish hamda ijtimoiy va iqtisodiy holatini yaxshilashga qaratilgan choralarni kuchaytirish bo‘yicha tegishli tavsiyalar berildi.