#Deputatlik_nazorati #Kotibiyat_hududlarda #ekspert_guruhlar

MAKTAB OSHXONALARIDA OVQATLANISH SIFATI VA SANITARIYA HOLATI O‘RGANILDI

📈 Xalq deputatlari Uchtepa tumani Kengashi tomonidan umumiy o‘rta ta’lim maktablarida o‘quvchilar uchun sog‘lom va xavfsiz ovqatlanish sharoitlarini ta’minlash yuzasidan deputatlik nazorati doirasida o‘rganish ishlari olib borildi.

🔎 O‘rganish davomida autsorsing asosida faoliyat yuritayotgan tadbirkorlik subyektlari tomonidan maktab oshxonalarida ovqatlanish xizmatini tashkil etish holati, shuningdek, ushbu subyektlarning ishchi xodimlari va oshpazlarining tibbiy daftarchalari mavjudligi va belgilangan tartibda yuritilishi ko‘rib chiqildi.

🕯 Shuningdek, maktab oshxonalarida o‘quvchilarga taklif etilayotgan oziq-ovqat mahsulotlarining sanitariya holati, saqlanish sharoitlari, yaroqlilik muddati va savdo uchun qo‘yilgan mahsulotlarning umumiy holati o‘rganildi.

🗂 O‘rganishda O‘zbekiston Respublikasi Prezidentining 2020-yil 10-noyabrdagi PQ-4887-son “Aholining sog‘lom ovqatlanishini ta’minlash bo‘yicha qo‘shimcha chora-tadbirlar to‘g‘risida”gi qarorida belgilangan sog‘lom ovqatlanish, oziq-ovqat mahsulotlari sifati va xavfsizligini ta’minlashga oid vazifalarga alohida e’tibor qaratildi.

💼 Mazkur o‘rganishda Xalq deputatlari Uchtepa tumani Kengashi kotibiyati mudiri Anvar Usmanov, kotibiyat bosh mutaxassisi Umidbek Abilov, Kengash huzuridagi ekspert guruhi a’zosi Alisher Giyasov hamda tegishli mas’ullar ishtirok etdi.

💹 O‘rganish yakunlari bo‘yicha aniqlangan masalalar yuzasidan mas’ullarga tegishli ko‘rsatma va tavsiyalar berilib, maktab oshxonalarida sanitariya talablariga rioya etilishi, xodimlarning tibbiy ko‘rikdan o‘tganligi hamda o‘quvchilarga sifatli va xavfsiz oziq-ovqat mahsulotlari taklif etilishini ta’minlash zarurligi ta’kidlandi.

🔼 Mazkur yo‘nalishdagi ishlar Kengash tomonidan deputatlik nazorati tartibida davom ettiriladi.