#kotibiyat_mudiri_faoliyati #nazorat_tahlil

Qiziriq tumanida savdo va xizmat ko‘rsatish infratuzilmasini rivojlantirish bo‘yicha ishlar o‘rganildi

O‘zbekiston Respublikasi Oliy Majlisi Senatining Sud-huquq masalalari va korrupsiyaga qarshi kurashish qo‘mitasi raisi Eshmuratov Abdulxakim Xushbokovich tomonidan Qiziriq tumanining markaziy kiyim-kechak va oziq-ovqat bozorida amalga oshirilayotgan qurilish ishlari bilan tanishildi.

Shuningdek, O‘zbekiston Respublikasi Prezidentining 2025-yil 8-oktabrdagi PQ-298-son qarori asosida “Taraqqiyot va yetakchilik maskani” dasturi doirasida Qiziriq tumaniga 100 milliard so‘m mablag‘ ajratilgan bo‘lib, mazkur dastur asosida amalga oshirilayotgan loyihalar ham o‘rganildi.

Xususan, tuman markazidagi “Yangikent” mahallasi hududidan o‘tgan R-100 avtomobil yo‘li bo‘yidagi kollektorni yopiq tizimga o‘tkazish hisobiga hosil bo‘ladigan yer maydonida savdo va xizmat ko‘rsatish obyektlarini tashkil etish, hududni obodonlashtirish va infratuzilmani rivojlantirish bo‘yicha olib borilayotgan ishlar ko‘zdan kechirildi.

Jumladan, “K-6” kollektorining 400 metr qismini yopiq tizimga o‘tkazish ishlari bilan tanishilib, qurilish jarayonining borishi yuzasidan mas’ullarga tegishli ko‘rsatma va topshiriqlar berildi.

Mazkur jarayonda xalq deputatlari viloyat Kengashi kotibiyati mudiri Sh.Boyqulov, Qiziriq tumani hokimi Sh.Allamurotov, xalq deputatlari Qiziriq tumani Kengashi kotibiyati mudiri K.MUhammadiyev, tuman Kengashi deputatlari, loyiha va qurilish ishlari uchun mas’ul mutaxassislar hamda tegishli tashkilotlar vakillari ishtirok etdi.

Ushbu loyihalarning amalga oshirilishi tuman markazida zamonaviy savdo va xizmat ko‘rsatish obyektlarini tashkil etish, yangi ish o‘rinlari yaratish hamda hudud infratuzilmasini rivojlantirishga xizmat qiladi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram