📌Fuqarolar murojaatlari sayyor qabulda ko‘rib chiqildi

✔️ Xalq deputatlari Samarqand viloyati Kengashi deputati, Sh.Yuldashev, Xalq deputatlari Narpay tumani Kengashi deputati, tuman hokimi A.Boliyev hamda mutasaddi tashkilot va idoralar rahbarlari ishtirokida sayyor qabul tashkil etildi.

🌀 Sayyor qabul davomida fuqarolar tomonidan ijtimoiy himoya tizimi, nafaqa va moddiy yordam tayinlash, Narpay tumani TIEK faoliyatiga oid masalalar, nogironligi bo‘lgan shaxslarni qo‘llab-quvvatlash, uy-joy bilan bog‘liq muammolar hamda boshqa dolzarb murojaatlar yuzasidan ko‘plab masalalar ko‘tarildi.

▶️ Murojaatchilar tomonidan bildirilgan har bir masala atroflicha tinglanib, ularning mazmun-mohiyati yuzasidan mutasaddi tashkilotlar vakillari ishtirokida muhokamalar olib borildi. Ayrim murojaatlar joyida ijobiy hal etilgan bo‘lsa, qo‘shimcha o‘rganish talab etiladigan masalalar bo‘yicha mas’ullarga aniq vazifalar yuklatildi.

➡️ Qabul davomida fuqarolarni qiynayotgan muammolarni o‘z vaqtida bartaraf etish, ijtimoiy himoyaga muhtoj aholi qatlamini qo‘llab-quvvatlash hamda davlat xizmatlaridan foydalanish imkoniyatlarini yanada kengaytirish masalalariga alohida e’tibor qaratildi.

⚡️ Ta’kidlanganidek, bunday sayyor qabullar aholi bilan ochiq muloqotni kuchaytirish, murojaatlarni joyida o‘rganish va amaliy yechim topish orqali fuqarolarning qonuniy manfaatlarini ta’minlashda muhim ahamiyat kasb etadi.