️Fuqarolarning murojaatlarida ko‘tarilayotgan muammolarni o‘rganish va ularning yechimiga ko‘maklashish deputatlik faoliyatining muhim yo‘nalishlaridan biridir.
➡️Shu maqsadda Xalq deputatlari Jondor tumani Kengashi deputati S. Qaxxorov Oytug‘di mahallasidagi elektr ta’minoti bilan bog‘liq muammolarni o‘rgandi. Mahallada elektr energiyasi ta’minotida yuzaga kelayotgan ayrim muammolar aholi turmushiga salbiy ta’sir ko‘rsatayotgani qayd etildi.
➡️Mazkur masalani hal etish, mavjud kamchiliklarni bartaraf qilish hamda aholini barqaror elektr energiyasi bilan ta’minlash maqsadida deputat S. Qaxxorov tuman elektr ta’minoti korxonasi rahbari O. Usmonov nomiga deputat so‘rovi yubordi.
➡️Deputat so‘rovida Oytug‘di mahallasidagi elektr ta’minoti holatini atroflicha o‘rganish, aniqlangan muammolarni bartaraf etish va zarur amaliy choralarni ko‘rish so‘ralgan.
➡️Deputat tomonidan aholi murojaatlarida ko‘tarilgan ushbu masala ijrosi nazoratga olinib, uning ijobiy hal etilishiga alohida e’tibor qaratiladi.